«Мұғалжар ауданының білім бөлімі» ММ
«А.Жұбанов атындағы жалпы білім беретін орта мектебі» КММ
КГУ «Общеобразовательная средняя школа имени А.Жубанова» ГУ «Отдел образования Мугалжарского района»
А.Жұбанов атындағы жалпы білім беретін орта мектебінің қысқаша тарихы. Өткен ғасырдың басында, нақтылап айтқанда, 1927 жылы ауылдың орталығында жергілікті халықпен бірге, ішкі Ресейден көшіп келген переселендердің ұйымдастыруымен алғашқы бастауыш мектептің іргетасы қаланып, осы жылы өз жұмысын бастайды. Сол жылдардан бастап жергілікті халықты жаппай сауаттандыру саясатының ықпалымен, бұл үрдіс үзілмей жалғасып келеді. Ел басындағы түрлі жағдайларға байланысты, ауылдық мектеп, төңіректегі елді мекендерге орын ауыстырылып отырады.
1941-1945 жылдарғы соғыс уақытында Шіліктікөл деген жерде интернаты бар жеті жылдық мектеп болған. Кейін, мектеп Михайловка (қазіргі Қаракөл) орталығына ауыстырылып, бүгінгі күнге дейін жұмыс істеп келеді.
Сол кездерде К.Маркс мектебі болып аталған ауылдық мектеп, 1973 жылы Орқаш орта мектебі болып қайта құрылып, алғашқы түлектерін шығарады. Бүгінгі таңда 40 жылдан астам тарихы бар Орқаш орта мектебі 1992 жылы Ахмет Жұбанов атындағы орта мектеп болып, қайта аталады. Осы жылдар ішіндегі мектеп түлектері еліміздің көптеген аймақтарында, халық шаруашылығының түрлі салаларында қызмет етуде.
«А.Жұбанов атындағы жалпы білім беретін орта мектебі» КММ КГУ «Общеобразовательная средняя школа имени А.Жубанова»
ГУ «Отдел образования Мугалжарского района»